الرئيسية
من طرف السلام عليكم ورحمة الله وبركاته
الاخوة الاحبة قرأت هذا الموضوع واعجبني
وعسى ان شاء الله يعجبكم
انواع حب البنات
الحب الي أنا أعرفه حب واحد إسمو الحب الحقيقي
لكن مع التطور صار للحب أنواع كتيرة ...
وأنا حطيتها هنا مع إنه شوي مضحك لكن أبغى أشوف وجهة نظر الأخوات فيه
حب ( أبو يوم ) : كيف دا ؟ أنا أقولك .. تتعرف عليك لمدة
يوم واحد بعد كده ولا تسأل عن (( رقعة وجهك )) !!
حب (أبو أسبوع) : نفس النظام لكن المدة هنا تختلف !!
لكن دا النوع ممكن لو شافك في السوق يطالع بنص عين !
حب ( طفش ) : يعني كيف ؟؟ البنت تلاقي نفسها طفشانه
تقوم تقولك (( أنا حاسه اني في شي جديد في حياتي))
الصراحه يا (( 000 )) أنا أحبك و يكون لا حب و لا يحزنون
حب ( مصالح ) : والله دا الحب اظن مفهوم يعني عندك بي ام .. لكزس .. كورلا ..أسف غلطت اقصد كورفيت .. اشياء من دي يعني البنت تمشي معاك حلاوة ولا تنسى يكون عندك(( كاش)) و انا شخصيا احتقر النوع دا بكل معنى الاحتقاااااااااااااار !!
حب ( العمر كله ) : يعني الحب الحقيقي الطاهر الي نهايتو زواج ... (( كاني بقول فيلم من الخيال صح ؟؟؟))
حب (( نص العمر)) : بالعربي كده ! تكونو طايحين في بعض عشق و جنان و حب وتضحيه و في الاخر ما تقدر تتزوجها ... و لكل شخص ظروفه !!
حب ( صداقة) : دا ما احبو انا .. بس اشرحلكم كيف !! يعني تقولك البنت انا احبك .. تقوم انت تولع و تفرررررح تقوم تلصق وراها كلمة (( صداقة)) يعني الحب دا يغيظ و يحرق الدم – انبسطو يا بنااااااااااات – شايفك تضحكي -؟؟ معرف اش اقولكم؟
حب ( مالو داعي ) : مفهوم !!
حب (فضاوة ) : البنت فاضيه ما ورها لا شغلة ولا مشغله
تتعرفو و تقولك احبك و تعيش نفسها في حب إسمو ((وهم))
حب ( مظاهر ) : دا للناس الي عندهم سكسوكه شعر يروح يمين شمال .. جسم (( معضل)) و ماسك جوال آخر موديل بيبي نوكيا يعني !! مو رهيب زي حالاتي !! و عيون عسلي – اقصد عدسات عسلي -
حب ( توريطه ) : يعني بعد ما تطفش منك .. تتصل على البيت و تقول والله لمو ولدكم و تعملك مشااااكل مع اهلك ...والله الصراحه ما مريت بشي زي كده عشان كده ... رح إنطم !!
حب ( إستبنه )=(إحتياط) : الحب دا خرررررررررره !! عارف كيف؟
لمن تتعرف عليك و تكون تعرف احد قبلك ما تعطيك وجه ..
و لمن يروح الي قبلك (( تعطيك وجه)) و لمن تتعرف على غيرك عاااااد تصير ( ما تعطيك وجه )) و هكذا .... حب يفقع القلب و يسبب قشعريرة في الامعاء الغليظه..
حب ( طرف واحد) : دا الحب الي من طرف واحد اذا كان صادق .. من جد اكلمكم يصير أصعب
حب .. تكون انت تموووووت في البنت و هي ولا تدري عن ابو منظرك شي او مطنشه .. على قول المطرب/خالد عجاج : أصعب حب لما تحس الي انتا بتحبو ما بيحبكش !!
حب ( تلي فون ) : أظن مفهووووووم !! على التلفون و ما في انك تشوفها !!!
حب ( غلط) : الحب دا ... كيف اقولكم؟؟ والله عيب !! ...
يعني الحب .. أووووووف !! يعني حب عشان (( تعملو قلة أدب )) بلىىىىىىى على دا الحب اش زفت ... !!!
حب ( انتر نت ) : أظن مررررررررررره مفهوم !!
حب ( مقلوبه )) : يعني والله لمن تطفش منك ولا على قول المصرين (( تزهأ )) تقلب عليك و تتعرف على غيرك يا لوح !! بس قبل لا تمشي تعملك فيلم هندي خطير !! شووووف
الصراحه يا ((.....)) انا حطيت عقلي في راسي .. و ما ابغا اكلم شباب .. و انت واحد مررره كويس (( و تعطييييك بكش)) و اتمنى انك ما تنساني (( مو دايما يقولها )) و ووو الخخخ يعني بالعربي كده (( تعطيك )) كلام اسمو (( عسل مر )) اذا كنت حبيتها يعني
- حب تسحيب00انك تحب واحد ويطلع ولد مغير صوته ومسحبك على اذنيك
حب تحدي00وهو ان البنات يكونون في السياره او السوق ويتحدون بعض انهم يتعرفون على اي ولد مزيون مثلي
وعجبـــــــــــــــــــــــــــــــى
ياترى انت انهو حب فيهم
